ANG REAL SPIDERMAN NG INDIA!

NI: RAVENSON BIASON

Si Jyoti Rai habang ginagawa ang acrobatic climbing sa pader.

Kartanaka, India- Kung inaakala nyong ang superhero na si Spiderman ay buhay lamang sa mga pahina ng Marvel comics at sa Hollywood movies ay nagkakamali ang ating hinagap. Kasi, may ganitong tao sa totoong buhay sa katauhan ni Jyoti Rai na residente ng naturang nasyon. Ang 22-anyos na kelot na former builder ay ginugugol ang kanyang oras sa pagbibigay ng katuwaan at aliw sa mga turista kung saan ay gumagawa siya ng acrobatically climbing sa Chitradurga Port. Siya’y walang takot at buong tapang na umaakyat sa 300 talampakang pader na walang anumang gamit o dalang safety hardness habang nakatingin sa kanya ang mga napapabuntong hiningang mga miron sa ibaba.

Ang mga taong nakmasid kay Jyoti ang natatakot sa kanyang ginagawa habang siya ay parang gagambang umaakyat sa pader na bumibitin pa rito. Sinabi ng naturang kelot na nilinang niya at na-developed ang kanyang climbing skills sa pamamagitan ng pagmamasid ng mga unggoy na umaakyat sa mga puno at sinusubok na gumawa ng stunts na napapanood niya naman sa kanyang mga paboritong mga pelikula. Umaasa siya siya na sa lalong madaling panahon ay ay ma-recognized siya ng buong mundo bilang pinakakamagaling na climber.

Ang ipinagmamalaking Spiderman ng mga Indian ay nagwikang hindi siya nagsusuot ng safety equipment at hindi pa siya naaksidente sa kabila nito. Naniniwala siya sa kanyang kakayahan na makita ng foothold o may hahawakan ka sa pader. Nagsasanay siya araw-araw at nagsasagawa ng yoga para mapanatili ang kanyang flexibility. Ipinagtapat ng kelot na siya’y big fan ng Pranses na climber na si Alain Robert na kung saan ay umakyat sa Petronas Tower at Abu Dhabi’s tallest building, umaasa si Jyoti na makakamit niya ang kanyang tagumpay at nagbabalak balang araw na magbukas ng paaralan para sa mga gustong maging climber. May mga kuha o may upload siya ng video sa You tube na kung saan ay mabibilib ka sa kanyang kakaibang pag-akyat. Ito ay may pamagat na Spiderman og India, Jyoti Rai. Tinagurin din siyang The Monkey Man at Wallclimber.